Sobre nós

O Papagaio naceu no ano 2016, despois de máis de dez anos de experiencia e contacto cos centros educativos por parte dos seus creadores. A paixón polo xornalismo, a divulgación e o debuxo, levounos a crear este xornal ilustrado para a xente miúda, que ten o propósito de divertir e mostrar todo o que acontece no mundo e, sobre todo, en Galicia: na ciencia, na cultura, no deporte, etc. Da mesma maneira que os adultos teñen o seu xornal para informarse, queremos que os nenos e as nenas teñan o seu. A infancia tamén ten dereito a informarse!

Pero un xornal coma este, non podería existir sen unha boa distribución, e para iso contamos co apoio do Consorcio Editorial Galego, unha distribuidora experimentada e ben implantada nos centros educativos e librarías de Galicia.