Lucas Requejo
Lucas Requejo (Viveiro) é divulgador de hábitos alimentarios, consumo e produción saudables e responsables. Dentro das súas actividades tamén figuran a de asesoramento para iniciativas agrarias ecolóxicas e traballo con nenos e nenas para coñeceren maneiras máis sás de alimentarse e de respecto ao planeta. Con “Ultralimento”, Lucas fai un percorrido por centros escolares onde explica aos máis novos que a súa saúde e a saúde do planeta son unha soa e por iso é importante o bo trato ao medio onde vivimos.
